60 Jahr Neddersassen: Neddersassisch Verfaten up Platt
De Neddersassisch Minister för Wetenschupp un Kultuur Lutz Stratmann hett hüüt, an'n Friedag, de Neddersassisch Verfaten up Platt den Landdagspräsidenten Jürgen Gansäuer övergeven. De Verfaten is in een överregionaal Utgaav trechtmaakt worrn, vunwegen dat dat för een 60jahrstiet ween is, dat de Neddersassische Landdag dat eerste Maal tohoop kamen is.
11.05.2007 Niedersachsen Pressemeldung Niedersächsisches Ministerium für Wissenschaft und Kultur"Neddersassen hett nich bloots wat los vunwegen Land un Lüüd, ne, daarto höört ok Plattdüütsch. Plattdüütsch is een egen Spraak un keen Dialekt nich. Dat is so, Hooch is de eerste Spraak, man Plattdüütsch is nich vergeten - dat is de ole Spraak vun uns Land, un de wiest sik ok in de modernen Tieden, vunwegen dat de Lüüd dat so wüllt", so seggt Kultuurminister Stratmann. In Neddersassen sünd dat üm un bi twee Millionen Minschen, de Platt snackt, küert orrer praat.
Mit de "Neddersassisch Verfaten" will de Lannesregeern wiesen,wat dat vun Wert hett mit de plattdüütsch Spraak in Neddersassen. Se will wat daarför doon, dat dat Blangenanner vun düsse Spraken, vun Hooch un Platt, bestahn blifft. Dit to föddern is ehr Plicht, denn de Lannesregeern hett de Europääsch Charta vun de Regionaal- orrer Minnerheitenspraken ünnerschreven.
"Ik wünsch mi, dat düsse Verfaten vun'n Barg Lüüd in de Hand nahmen ward. Dennso kann se ok daarto bidrägen, dat dat mit Platt in uns Land wiedergeiht", so Stratmann.
Keine Kommentare vorhanden